Hackaton 2022: Por fin xuntos!
Tras dous anos de distancia social, con parte do proxecto a distancia, e despois de levar a cabo reunións e Hackaton virtuais, por fin, o pasado 5 de maio, todos os grupos participantes no Epdlab puidemos reunirnos en Bandeira, para coñecérmonos e compartir aprendizaxes para o cambio social. Nada máis chegar Roi comezou a dividir á rapazada por equipos, con números do 1 ao 5. En grupo decidían qué tema vistos no Epdlab lles parecía máis interesante para tratalo no vídeo que ían realizar. Tamén o pasaron ben, descansaron e xogaron xuntos, ademais de compartir a comida. E, despois de comer, responderon uns carteis con preguntas, relativas ao aprendido e ao que lles gustaría seguir aprendendo. Ao acabar a actividade, viron xuntos os vídeos realizados e fixeron memes. O mellor foi a xente nova que tivemos a oportunidade de coñecer, [...]
Obradoiro 5: Consumo responsable e Contrapublicidade no IES Praia Barraña
No 5º obradoiro do EpDLAB no Praia Barraña falamos de “Consumo responsable”. Primeiro Roi mostrounos unha ferranenta na web para calcular a nosa “Pegada ecolóxica” e descubrimos que precisaríamos 4 ou 5 Terras para seguir mantendo o noso consumo. Despois axudounos a ir descubrindo o impacto que teñen os nosos hábitos de consumo no medio ambiente. Falamos das estratexias publicitarias para incitarnos a consumir, dos residuos que xeramos, do aceite de palma,…Reflexionamos sobre que podemos facer e que é a contrapublicidade. Para rematar fixemos con Canva uns carteis de contrapublicidade para denunciar as prácticas abusivas de algunhas marcas.
Obradoiro 5: consumo responsable, medio ambiente e contrapublicidade.
O mes de abril tivemos o obradoiro de "Contrapublicidade e Consumo Responsable". Como en actividades anteriores, comezamos preguntando se coñecían estes dous conceptos ao que, maioritariamente, contestaron que non. Comezamos, logo, a explicar que pode ser o consumo responsable e como podemos introducilo no noso día a día. O primeiro paso é ser conscientes do impacto que ten a noso modo de vida individual no planeta. Para iso recorremos a unha calculadora de pegada ecolóxica. Este primeiro exercicio sorprendeu moito ao alumnado que non contaban por precisar 3, 4, ata 7 planetas para manter o seu estilo de vida! Pero, por que sae este número? Enlazamos entón coa industria téxtil e agroalimentaria. Coa primeira, pedímoslles que buscaran onde foran fabricadas as prendas de roupa que levaban postas ese día. Desta maneira, viaxamos a: Vietnam, Camboia, Bangladesh, Indonesia... Explicamos un pouco [...]
Defensa de las mujeres
Contrapublicidade pola soberanía alimentaria e a economía solidaria.
