Traballo de ONGs
A última sesión con Roi centrouse na intervención neste mundo cheo de manipulacións e inxustiza. Roi explicou como as mudanzas prodúcense a partir de pequenas intervencións que, se ben non modifican todo, si crean un camiño cara a un mundo mellor. Por último, Roi animou a todos a implicarse en calquera iniciativa promovida neste sentido para mellorar as cousas, desde as locais ás internacionais, aínda que advertiu de que para participaren en proxectos internacionais debían ter 16 anos, dentro de dous.
As estratexias da publicidade
De novo Roi guiou o grupo a través do mundo da publicidade, nomeadamente da da industria alimentar, na que 10 empresas controlan o 90% do negocio total, co que iso implica na explotación laboral, o esgotamento de recursos etc. Roi apoiou a súa información con datos, provenientes sobre todo de OXFAM. Causou moito abraio entre alumnas e alumnos o anuncio alterado de Kit-Kat no que se contaba o verdadeiro impacto da produción destas chocolatinas, algo que non se corresponde coa imaxe creada polas súas campañas publicitarias. Finalmente todos puideron crear, coa axuda dunha aplicación que indicou Roi, os seus anuncios de publicidade alterada denunciando a manipulación de que somos obxecto.
As videocartas
Iniciouse a actividade do confinamento cun intercambio de vídeos entre os rapaces e rapazas de Bueu e os da República Dominicana. Previamente responderon un cuestionario que lles permitise concretar a quen e onde é que irian enviar os seus vídeos. Todo funcionou ben porque Roi se fixo cargo da dirección da actividade, indicándolles o que debían facer e como e respondendo todo tipo de preguntas sobre o que se estaba a realizar. O obradoiro durou máis do esperado, porque Roi sinalou que se trataba de comparar as condicións de vida de Santo Domingo e de Bueu e unha alumna interviu indicando que non se sentía ben nesta situación, pois parecía que os de Bueu ían ostentar un nivel de vida moi superior e iso podía facerlles sentir mal aos dominicanos e dominicanas. Aínda que Roi explicou que esa non era [...]
O mural común de coñecementos
Mural dixital que recolle os resultados da avaliación colectiva da aprendizaxe feita durante o último obradoiro de EpDLab, en xuño de 2020.
Médicos del mundo
Exercicio con imaxes animadas ou efectos visuais para promocionar a cooperación, o voluntariado e o traballo das ONGD’s.
A COVID no mundo: desigualdade social e crise do coronavirus
Esta actividade reúne aos centros participantes no proxecto cada ano, e o alumnado traballa en grupos intercentros para crear un produto comunicativo ao redor dun tema concreto. Este ano, esta xuntanza realizouse de xeito virtual, nun espazo online e nun tempo definidos que facilitara a interacción en liña de todas as persoas que participan no proxecto: profesorado, alumnado e equipo técnico de Agareso. Como resultados deste proceso, publicáronse 4 tipos de traballo: Vídeo-respostas para as persoas que colaboraron con nós dende 5 países diferentes, gravadas en formato selfie. Conclusións: fotografías das anotacións nun papel ou nun documento dixital que recollen o proceso de aprendizaxe ao longo desta actividade. Carteis para unha campaña de comunicación polo acceso universal a servizos básicos e a recursos sociais e sanitarios. Memes: como comecei a sesión de hoxe e como a remato. Todos estes [...]