Continuamos co proxecto EpDlab: bulos e noticias falsas 📰❌
Na segunda actividade de EpDlab no IES Illa de Ons, adentrámonos no mundo dos bulos, as fake news e a manipulación da información. Reflexionamos sobre como estes elementos afectan as nosas opinións e contribúen a estender discursos de odio, desigualdade e desinformación. O alumnado sacou conclusións moi claras: non todo o que lemos ou vemos é real. Aprenderon a pensar dúas veces antes de crer nunha noticia, a detectar manipulacións nos medios e a ser conscientes do impacto dos bulos, especialmente no que respecta ao racismo e á desigualdade. Como un deles resumiu: *“As noticias son moi manipulables, hai que pensar dúas veces antes de crer algo.”* Tamén reflexionaron sobre ideas preconcibidas que tiñan e descubriron que detrás das cifras e titulares ás veces se esconden falsidades ou intencións interesadas. Foi un obradoiro entretido e revelador, que axudou ao alumnado [...]
Consellos contra a desinformación
Vídeo sobre bulos e fake news realizado no IES Illa de Ons de Bue #EpDLab #EpDLab10
Como detectar noticias falsas
Vídeo sobre bulos e fake news realizado no IES Illa de Ons de Bueu #EpDLab #EpDLab10
5 formas de detectar un bulo
Vídeo sobre bulos e fake news realizado no IES Illa de Ons de Bueu #EpDLab #EpDLab10
Segundo obradoiro: o discurso dos medios e as fake news
No segundo obradoiro desenvolvido neste mes de decembro traballamos sobre os discursos nos medios de comunicación, especialmente na súa relación cos prexuízos que afectan a colectivos minoritarios como as persoas migrantes, as mulleres e as minorías raciais. Analizamos diferentes noticias reais, tanto de prensa escrita como das redes, para reflexionar sobre como os a desinformación e so bulos son a base sobre a que se constrúe o discursos de odio. Aprendemos tamén como esa é unha ferramentas que contribúen a xustificar a exclusión e discriminación e que isto ten consecuencias directas na vida das persoa. Empregamos para isto vídeos e contidos de redes de xente coñecida polo alumnado para que conecten eses discursos que as veces lles chegan por canles aparentemente de entretemento. O obxectivo final da sesión é desenvolver o pensamento crítico coa intención de que sexan quen de [...]
Obradoiro 1: aprendizaxes para o cambio social
Este ano, o primeiro obradoiro da décima edición de EpDLab (si, xa van q0e anos!) comezou cunha dinámica colectiva onde o alumnado compartiu as súas expectativas e necesidades en torno ás temáticas do proxecto. Durante a sesión, destacamos a educación como un dereito universal, esencial para crear un futuro máis xusto e igualitario para todas as persoas. A través dinámicas de pensamento colectivo, mapas sobre a distribución do acceso á educación ou estatísticas sobre a desigualdade, vimos como a educación é clave para reducir as diferenzas de oportunidades. Tamén, exploramos os ODS e coñecemos a traballo de mulleres activistas que loitaron pola educación, ofrecendo exemplos de cambio real. As conclusións do alumnado foron claras e reflexivas: "a educación é un dereito fundamental", "non todo o mundo teñen as mesmas oportunidades" ou “antes pensaba que as mulleres podían estudar e agora [...]
