Comunicando coa República Dominicana
Despois de repasar os contidos da sesión anterior, Roi presentou aos mozos e mozas da República Dominicana e viron as videocartas que lle mandaron. Coñeceron a súa escola e o seu modo de vida. A actividade a realizar consistía na gravación dun vídeo no que o alumnado vilagarcián respostou ás preguntas que lle facían: como era o clima, se eran amistosos, se se cortaba a auga, o tipo de música que lle gustaba ou os seus deportes favoritos.
#SinPrejuicios
Textos animados pola igualdade no IES Castro Alobre de Vilagarcía de Arousa
Estereotipos e discriminación
Nesta sesión Roi traballou co alumnado un tema actual e importante: o racismo. Partindo dunha curtametraxe For the birds, puidemos comentar as distintas actitudes de rexeitamento ao diferente. As actividades plantexadas, noticias desenfocadas, pretendían fomentar a reflexión dos estudantes a través dos sentimentos que lles espertaban as noticias ou da cualificación que lles merecían algunhas profesións. Adxectivos como esforzo, constancia, positividade foron abrindo camiño ata chegar á conclusión. Atopáronse de frente con persoas de raza xitana que pasaban por situacións absurdas e inxustas só polo feito de ser xitanas. O alumnado deuse conta de que non debemos xulgar a ninguén só por pertencer a unha étnia ou grupo determinado. Para rematar esta sesión, fixeron un texto animado cun texto que transmitise todas as ideas das que se falaron. A app utilizada foi Legend.
Que sabes das persoas refuxiadas? #StopRumores
Micro-Vídeo realizado dentro no IES Castro Alobre de Vilagarcía de Arousa dentro do proxecto #EpDLab. Neste exercicio comparamos ideas estendidas entre a opinión públicas con datos estatísticos de fontes reais como os diferentes Ministerios, Eurostat ou ACNUR para comprobar canto teñen de realidade ou de bulo. Este traballo foi realizado coa axuda da web stoprumores.com
