Última sesión do EpDLab con Roi. Botamos a vista atrás e revisamos todos os temas sobre os que falamos durante este curso: racismo, desigualdade, bulos, fake news, medio ambiente… E nós que podemos facer para axudar a mudar este mundo que non nos acaba de gustar? Roi fálanos de cooperación e activismo. Dende utilizar as nosas redes para difundir mensaxes solidarias, de convivencia positiva, de difusión de novas que nos parecen importantes, ata participar como voluntarios en actividades que estean ao noso alcance, como limpezas de praias, acompañamento aos nosos maiores, protección dos animais… Para rematar fixemos uns pequenos vídeos para animar a todo o mundo a que poña o seu gran de area. Moitos dos alumnos e alumnas decantáronse polo coidado do mar, algo que nos resulta moi próximo.
