Vén de rematar o proxecto #EPDLab, proxecto de corte social no que participa o noso centro. Parece que foi onte cando comezabamos a traballar da man de AGARESO. E van cinco cursos… cinco promocións de alumnado preparado para un mundo global, íntegro, diverso e plural.
Botando a vista atrás, vemos un ano complicado, no que estivemos retid@s nas nosas casas pola COVID-19, pero tamén vemos o interese e o traballo para que proxectos coma este saian adiante. Porque nada quedou por facer. Cumpríronse os obxectivos!!
Agradecemos especialmente ao equipo técnico e docente de AGARESO o feito de ter sido posible continuar co proxecto, creando unha plataforma online en tempo récord. Grazas tamén ao profesorado dos cinco centros participantes, pois este traballo é compartido dende o minuto 1. E grazas, por suposto, a todo o alumnado, que a pesares das circunstancias estivo traballando (e moi ben, por certo) ata o último día… que foi onte.
O alumnado de 2º de ESO do noso #iescarloscasares tivo onte ocasión para despedirse de María e Roi, que nos acompañaron este curso moito máis alá da pandemia. Ademais, pecharon o proxecto cunha moi notable participación e interesantes conclusións. Todas elas, e máis, podédelas ver no enlace que acompaña a este post, e que conforma o mural do #EPDLab 2020, un fantástico proxecto de transformación social.
