O alumnado tamén discutiu sobre a imaxe que temos destas asociacións, o dano que fixeron certos comportamentos pouco honrados dalgúns… Tamén descubriron que as ONG´s teñen distintos obxectivos e traballan en todo o mundo, que non só se trata de traballar nos países en vías de desenvolvemento, senón de espertar conciencias no primeiro mundo para entre todos mudar o xeito de facer as pequenas e grandes cousas.
A continuación, aprendemos a utilizar a ferramenta Pic-Pac para facer pequenos vídeos promocionais das ONG´s, incluindo unha ONG local do noso concello que traballa en proximidade para axudar a familias que están a pasar por unha situación económica complicada. Invitámosvos a ver os traballos realizados, pagan moito a pena.
